• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خواہش ہے بلاول میری زندگی میں وزیراعظم بنے، آصف زرداری

آج کا اخبار
اہم خبریں
13 جولائی ، 2022
نوابشاہ ( محمد انور شیخ) سابق صدر آصف علی زرداری نے کہا کہ میری خواہش ہے کہ بلاول بھٹو زرداری میری زندگی میں وزیراعظم پاکستان بنے اور مجھے یقین ہے کہ بلاول بھٹو زرداری ملک کے وزیراعظم بنیں گے زرداری ہاؤس میں دوڑ کے نومنتخب پیپلز پارٹی کے چئیرمین اور کونسلروں کے اعزاز میں ان کی جانب سے دیے گئے عشائیے سے خطاب کرتے ہوئے سابق صدر آصف علی زرداری نے کہا کہ میری کوشش تھی کہ سی پیک کو یمن تک روڈ کے راستے لے جایا جائے جبکہ ترکی تک ریل کے ذریعے اس منصوبے کو لے جانے کی کوشش کی تھی انہوں نے کہا کہ ترکی تک ریل کا انفرااسٹرکچر موجود ہے صرف اس کو اپ گریڈ کرنے کی ضرورت تھی انہوں نے کہا کہ عمران خان کی سوچ محدود تھی اور انہوں نے سی پیک کو صرف چین سے قرضہ لینے تک محدود رکھا سابق صدر آصف علی زرداری نے کہا کہ ہم نے عوام کی خدمت کی ہے اور مزید خدمت کرنا چاہتے ہیں اسی سلسلے میں ہم تمام وسائل خرچ کرنے کیلئے تیار ہیں۔
اہم خبریں سے مزید