• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بہاولپور بائی پاس پر بیکری پر چھاپہ،500 کلوگرام خراب گلوکوز تلف

میرا شہر
ملتان
27 اگست ، 2022
ملتان (سٹاف رپورٹر)پنجاب فوڈ اتھارٹی کی کاروائیاں بہاولپور بائی پاس پر دلبہار شیریں بیکرز پروڈکشن یونٹ پر چھاپہ، 500 کلو گرام حشرات زدہ گلوکوز تلف کردیا گیا، فوڈ سیفٹی ٹیموں نے خانیوال، وہاڑی اور لودھراں میں بھی کارروائیاں کرتے ہوئے متعددفوڈ پوائنٹس کو حفظان صحت کے اصولوں کی خلاف ورزیوں پر بھاری جرمانے عائدکیے، تفصیلات کے مطابق بہاولپور روڈ پر واقع بیکری کی چیکنگ کے دوران گلوکوز میں مکڑیاں اور انسانی بال پائے گئے۔ شوگر سیرپ میں مردہ حشرات، آلودہ مشینری کا استعمال کیا جارہا تھا۔ گندے اور بدبودار فریزر میں خوراک کی سٹوریج کی جارہی تھی جس پر بھاری جرمانہ عائدکیا گیا۔ اس کے علاوہ کبیروالا میں ملک کولیکشن سنٹر کو ملاوٹی دودھ فروخت کرنے پر 20 ہزار روپے، وہاڑی اور لودھراں میں 2 بیکریوں کو خوراک کی تیاری میں کھلا رنگ استعمال کرنے اور حشرات کی بھرمار پر جرمانے کیے گئے۔اس موقع پر ڈی جی پنجاب فوڈ اتھارٹی شعیب جدون کا کہنا تھا کہ فوڈ اتھارٹی قوانین کو نظر انداز کرنے والوں کیخلاف سخت ایکشن لیں گے۔
ملتان سے مزید