فرمان الہی
نماز کے اوقات
کوہاٹ(نمائندہ جنگ )کوہاٹ میں موٹر بارگین کے باہر اندھا دھند فائرنگ ، 4 افراد قتل ، نامعلوم موٹر سائیکل سوار واردات کے بعد فرار ہو گئے۔ تفصیلات کے مطابق کوہاٹ کے مضافاتی علاقہ شنواری ٹاؤن سے ملحقہ منیر موٹر بارگین پر موٹر سائیکل سوار مسلح ملزمان نے اس وقت اچانک فائرنگ کردی جب موٹر بارگین کے کاروبار سے وابستہ کچھ افراد بارگین کے احاطے میں موجود تھے ، موٹر سائیکل سواروں کی فائرنگ کے نتیجے میں بارگین کا مالک منیر خان ولد محمد شریف خان، امان اللہ ولد شیر دل ساکنان ملنگ آباد جنگل خیل، طاہر محمود ولد شوکت علی سکنہ منصور خیل جنگل خیل اور خالد سکنہ شیخان شدید زخمی ہو گئے جنہیں فوری طور پر ہسپتال منتقل کر دیا گیا تاہم چاروں زخمی بعد ازاں زخموں کی تاب نہ لاتے ہوئے جان کی بازی ہار گئے۔
