• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شہباز، زرداری، عمران ٹرائیکا ایٹم بم سے زیادہ خطرناک، سراج الحق

آج کا اخبار
اہم خبریں
09 جنوری ، 2023
لاہور(آئی این پی ) امیر جماعت اسلامی پاکستان سراج الحق نے کہا ہے کہ شہباز شریف، آصف زرداری اور عمران خان ٹرائیکا ایٹم بم سے زیادہ خطرناک ہیں۔ سیاسی ٹرائیکا نے توشہ خانہ، ایوانوں، عدالتوں، معیشت، صنعتوں، اخلاقیات و تعلیمی نظام کو تباہ کر دیا، ٹرائیکا نے ملکی نظریے سے غداری کرکے مل کر کشمیر کو بیچا۔ لاہور علامہ اقبال ٹاؤن میں مہنگائی کنونشن سے خطاب کرتے ہوئے امیر جماعت اسلامی نے کہا کہ آصف زرداری، شہباز شریف اور عمران خان بار بار امریکا گئے جہاں بائیڈن اور ٹرمپ سے ملے، ٹرمپ سے ایک بار بھی ڈاکٹر عافیہ کی حوالگی کی بات نہیں کی۔ ڈاکٹر عافیہ پر ہونے والے مظالم کے ذمہ دار اگر بش، اوباما اور کلنٹن ہیں تو اسی طرح سیاسی ٹرائیکا بھی ذمہ دار ہے۔سراج الحق نے کہا کہ یہ وطن فروش ہیں جنہوں نے یوسف رمزی کو فروخت کیا جبکہ ابھینندن کو بزدل حکمرانوں نے بھارت کے حوالے کر دیا، حکمرانوں نے ملا عبد السلام اور عبدالسعید کو امریکا کے حوالے کیا، امریکا کے خلاف ایک بار عمران خان نے بیان دیا تو فواد چوہدری کو امریکی قونصل خانہ بھیج کر معافی بھی مانگی۔
اہم خبریں سے مزید