فرمان الہی
نماز کے اوقات
کراچی( اسٹاف رپورٹر)کر کٹ کو اولمپکس میں شامل کرنے کا فیصلہ پھر مؤخر،کر کٹ کو اولمپکس گیمز میں شامل کرنے کے حوالے سے ایک نئی کمیٹی تشکیل د ی گئی ہے، تفصیلات کے مطابق انٹرنیشنل اولمپکس کمیٹی (آئی او سی) نے کرکٹ کو 8 کھیلوں سمیت اولمپکس گیمز میں شامل کرنے کیلئے شارٹ لسٹ کیا تھا اور اسے2028 اولمپکس میںشامل کرنے کا اشارہ دیا تھامگر اب ایک بار پھر یہ خبر سامنے آئی ہے کہ آئی سی سی نے کرکٹ کو اولمپکس 2032 میں شامل کرنے کیلئے نئی کمیٹی بنانے کا اعلان کیا ہے اور بورڈ آف کنٹرول فار کرکٹ ان انڈیا (بی سی سی آئی) کے سیکرٹری جے شاہ نئی کمیٹی کی سربراہی کریں گے،خیال رہے کہ 1900 میں ہونے والی پیرس اولمپکس میں کرکٹ کو پہلی اور آخری بار شامل کیا گیا تھا۔ 2022 کے بر منگھم کامن ویلتھ گیمز میں کرکٹ کو شامل کیا گیا تھا اور خواتین ٹیموں کے درمیان ٹی ٹوئنٹی مقابلے ہوئے تھے جن میں 8 ممالک کی ٹیموں نے شرکت کی تھی۔کامن ویلتھ گیمز میں کرکٹ میں آسٹریلیا نے گولڈ میڈل جیتا تھا۔
