• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صوابی پولیس کا شرپسندوں کیخلاف آپریشن، 2 دہشتگرد ہلاک، 1 گرفتار

آج کا اخبار
اہم خبریں
02 فروری ، 2023
چھوٹا لاہور(نمائندہ جنگ)صوابی پولیس کا شرپسندوں کے خلاف آپریشن، ہلاک شدہ دہشت گرد کمانڈر اظہار عرف شیراز کے سر کی قیمت 20 لاکھ روپے مقرر تھی ۔تفصیلات کے مطابق گزشتہ روز صوابی پولیس نے ہنڈ کے مقام پر دہشتگروں کی موجودگی کی بابت خفیہ اطلاع ملنے پر انٹیلی جنس ایجنسیز کے ہمراہ مشترکہ آپریشن کیا۔آپریشن کے نتیجے میں 2دہشت گرد اظہار اللہ عرف شیراز عرف عبداللہ ولد عطاء اللہ سکنہ اسوٹا شریف اور اس کا ساتھی زینت عرف ثاقب سکنہ باجوڑ ہلاک ہوگئےجبکہ ایک دہشتگرد گرفتار اور ان کے 2مشتبہ ساتھی ملزمان گرفتار کئے گئے۔ واضح رہے کہ دہشت گرد اظہار اللہ عرف شیراز صوابی پولیس اور سی ٹی ڈی کو دہشت گردی کے کئی مقدمات میں مطلوب تھا، جو کہ حال ہی میں تھانہ کالوخان اور یارحسین پر دستی بم حملوں میں بھی ملوث رہا تھا جس میں ایک پولیس اہلکار زخمی ہوا تھا جبکہ بحثیت کمانڈر افغانستان سے تشکیل لا کر یہاں پولیو ٹیموں، ٹریفک اہلکاروں اور دیگر دہشت گردانہ واقعات میں استعمال کرتا تھا۔
اہم خبریں سے مزید