فرمان الہی
نماز کے اوقات
کراچی (اسٹاف رپورٹر) لاہور قلندرز کی ٹیم ایچ بی ایل پاکستان سپر لیگ میں ملتان سلطانز کے خلاف پہلا میچ جیتنے کے بعد منگل کو علی الصبح ملتان سے کراچی پہنچ گئی جبکہ کوئٹہ کی ٹیم رات گئے اسی چارٹرد فلائٹ سے ملتان پہنچ گئی۔پی ڈی پی کلاس آف 22 کے غیرملکی کرکٹر شین ڈیڈزویل نے کراچی میں لاہور قلندرز کے اسکواڈ کو جوائن کرلیا ہے۔ شین ڈیڈزویل صبح جنوبی افریقہ سے کراچی پہنچے ہیں۔ لاہور قلندرز نے منگل کومکمل آرام کیا۔ کوئٹہ گلیڈی ایٹرز اسکواڈ میں شامل انگلینڈ کے نوجوان بیٹسمین ول اسمیڈ نےٹیم کوجوائن کرلیا ہے۔ کوئٹہ نے ملتان اسٹیڈیم میں پریکٹس کی۔ نوجوان فاسٹ بولر زمان خان نے کہا ہے کہ مجھے معلوم تھا کہ کپتان شاہین شاہ آفریدی مجھے آخری اوور دیں گے، انہوں نے آخری اوور کے لیے گیند دی تو کہا جو دماغ میں آتا ہے کرو، بس پریشر نہیں لینا، سوچ رہا تھا صرف اچھے یارکرز کروں گا، بہت خوشی ہے کہ لاہور قلندرز کو افتتاحی میچ میں کامیابی دلانے میں اپنا کردار ادا کیا۔ فاسٹ بولر حارث رؤف نے پریس کانفرنس میں کہا کہ ملتان کا آغاز اچھا تھا لیکن ہمیں یقین تھا کہ ہم کم بیک کریں گے ، حارث رؤف نے کہا کہ ڈاٹ بالز سے ملتان کو دباؤ میں لانے کی کوشش کی ، اس میں کامیاب رہے ۔ زمان نے اچھا آغاز کیا ، ان سے یہی توقع کی جا رہی تھی ، زمان خان نے گزشتہ سیزن میں بھی دو میچز جتوائے، وہ توقعات پر پورا اترے ۔
