فرمان الہی
نماز کے اوقات
کراچی (اسٹاف رپورٹر) پاکستان سپر لیگ میں جمعے کو ملتان اسٹیڈیم میزبان ملتان سلطانز اور پشاور زلمی کے درمیان میچ ہوگا۔ ملتان کی ٹیم تینوں میچ ہوم گراؤنڈ پر کھیلے گی۔ اسے پہلے میچ میں قلندرز نے ایک رن سے شکست دی جبکہ دوسرے میچ میں اس نے کوئٹہ گلیڈی ایٹرز کے خلاف یکطرفہ مقابلے کے بعد 9وکٹ سے شکست دی تھی۔جبکہ پشاور کی ٹیم کراچی کنگز کو شکست دینے کے بعد ملتان پہنچی ہے۔ جمعرات کو دونوں ٹیموں نے آپشنل پریکٹس سیشن میں شرکت کی۔ کوئٹہ کی ٹیم پہلا میچ ہارنے کے بعد کراچی پہنچ گئی ہے۔ ہفتے کو نیشنل اسٹیڈیم کراچی کنگز اور کوئٹہ گلیڈی ایٹرز کا میچ کھیلا جائے گا۔ سرفراز احمد کا کہنا ہے کہ ہم اپنی ناکامیوں کا ازالہ کریں گے بقیہ 9 میچوں میں بہتر کارکردگی دکھانے کی کوشش کریں گے۔
