لاہور(نمائندہ جنگ)پیپلز پارٹی ڈیجیٹل میڈیا کے انچارج شرجیل انعام میمن نے کہا کہ انشا اللہ تعالی وہ دن دور نہیں جب پیپلز پارٹی لاہور کا قلعہ پھر فتح کریگی، لاہوریوں کا جذبہ دیکھ کر سوچ رہا ہوں ڈومیسائل تبدیل کر کے یہاں سے پارٹی ٹکٹ مانگوں ، لاہور میں میں پاکستان پیپلز پارٹی ڈیجٹل میڈیا کے میٹ اپ پروگرام کی تقریب سے خطاب کرتے ہوئے انہوں نے کہا کہ پہلا ڈیجٹل شو کراچی اور پھر ملتان میں ہوا مگر سب سے زیادہ مزہ لاھور میں آیا،میری نیت خراب ہو رھی ہے کہ ڈومیسائل تبدیل کر کے پارٹی سے یہاں کا ٹکٹ مانگوں،پیپلز پارٹی صرف عوام کی طاقت سے اقتدار میں آتی ہے۔دیگر جماعتوں کو کوئی نہ کوئی طاقت اقتدار میں لائی ہے۔ ہماری لیڈر شپ نے ملک کو آئین اور قربانیاں دیں، یہ بالٹی والے یا بابا رحمتے کے بس کی بات نہیں،انھوں نے کہا اداروں پرسوشل میڈیا سے خطرناک حملہ کیا گیا ہے،اسکی ڈوریاں بیرون ملک سے ہلائی جا رھی ہیں۔ جیالوں کے نعروں سے لگتا ہے کہ لاھور نے بلاول بھٹو کو وزیر اعظم بننے کا فیصلہ کر لیا ہے ،رانا فاروق سعید نے کہا پیپلز پارٹی کبھی ختم نہیں ہو سکتی کیونکہ اسکی جڑوں میں شہیدوں کا خون ہے۔
فرمان الہی
نماز کے اوقات
