• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران کی غلط پالیسیوں کی وجہ سے کشمیر کاز کو نقصان پہنچا، شرجیل میمن

آج کا اخبار
اہم خبریں
22 مئی ، 2023
کراچی (اسٹاف رپورٹر)وزیر اطلاعات و ٹرانسپورٹ و ماس ٹرانزٹ سندھ شرجیل انعام میمن نے کہا ہے کہ عمران خان کی غلط پالیسیوں کی وجہ سے کشمیر کاز کو شدید نقصان پہنچا سندھ آرکائیوز کمپلیکس کلفٹن کراچی میں پریس کانفرنس سے خطاب کرتے ہوئے انہوں نے کہاکہ چند اہم ممالک کشمیر میں ہونے والی کانفرنس میں شرکت کے لئے نہیں جارہے اور یہی پاکستانی حکومت اور وزیر خارجہ پاکستان بلاول بھٹو زرداری کی کامیاب سفارتکاری کا ثبوت ہے ، کشمیر کے معاملے پر کوئی سودے بازی نہیں کی جاسکتی ۔انہوں نے کہا کہ مودی نے اقتدار میں آکر کشمیریوں کے ساتھ جو بدترین سلوک کیا اس کی مثال نہیں ملتی آج بھی عمران خان پاکستان کے کاز کو غیرملکیوں کو انٹرویو دے کر نقصان پہچا رہے ہیں ، کوئی بھی ایسا شخص جو پاکستان کا وزیراعظم رہا ہو وہ کبھی بھی ایسی نفرتیں بھڑکانے والی باتیں نہیں کرسکتا جیسا کہ عمران خان اپنے انٹرویوز میں کررہے ہیں۔
اہم خبریں سے مزید