فرمان الہی
نماز کے اوقات
کراچی (اسٹاف رپورٹر) بھارتی شہر احمد آباد میں 14 اکتوبر کو شیڈول کرکٹ ورلڈکپ 2023 میں پاک بھارت مقابلے کے تمام ٹکٹ صرف ایک گھنٹے میں فروخت ہوگئے۔ آئی سی سی کے ٹکٹنگ پارٹنر نے پاک بھارت میچ کی ٹکٹس کی فروخت کے لیے اپنی خصوصی پری سیل ونڈو کا آغاز کیا تو صرف ایک گھنٹے میں تمام ٹکٹس فروخت ہوگئے۔ٹکٹوں کی فروخت کا دوسرا راؤنڈ 3 ستمبر کو ہوگا، تاہم یہ ممکن ہے کہ تمام ٹکٹس تیزی سے فروخت ہو جائیں گے۔ اس بات کی تصدیق نہیں کی جاسکی کہ وارم اپ میچز اور بھارت کے خلاف کھیلے جانے والے ورلڈکپ میچز کے لیے پری سیل ونڈو کے دوران ٹکٹس کی تعداد کتنی تھی ۔تاہم ایک فرد کیلئے دو ٹکٹس کی تعداد مقرر کی گئی تھی۔
