فرمان الہی
نماز کے اوقات
اسلام آباد ،راولپنڈی(وقائع نگار، آن لائن) چترال میں سکیورٹی فورسز اور دہشتگردوں کے درمیان شدید جھڑپ میں7دہشت گرد جہنم واصل کر دئیے گئے، آئی ایس پی آر کے مطابق چترال کے علاقے ارسون میں سکیورٹی فورسز نے دہشتگردوں کے ٹھکانوں کو کامیابی سے نشانہ بنایا دہشتگردوں اور سکیورٹی فورسز میں فائرنگ کا تبادلہ ہوا فائرنگ کے شدید تبادلے کے نتیجے میں سات دہشتگرد ہلاک اور چھ شدید زخمی ہوگئے آئی ایس پی آر کے مطابق علاقے میں سرچ آپریشن جاری ہے تاکہ علاقے میں پائے جانیوالے دیگر دہشتگردوں کو ختم کیا جا سکے،علاقہ ارسون میں سکیورٹی فورسز نے دہشتگردوں کے ٹھکانوں کوکامیابی سے نشانہ بنایا،دہشتگردوں کیساتھ فائرنگ کا تبادلہ بھی ہوا ، مقامی لوگوں نے سکیورٹی فورسز کے آپریشن کو سراہا اور ملک سے دہشتگردی کی لعنت کے خاتمے کیلئے بھرپور تعاون کا اظہار کیا واضح رہے کہ آج سے چند روز قبل چترال کی وادی کیلاش میں بھی دہشتگردوں نے فوجی چوکیوں پر حملہ کیا تھا جس کے نتیجے میں متعدد فوجی جوان شہید ہو گئے تھے۔
