فرمان الہی
نماز کے اوقات
کراچی(اسٹاف رپورٹر)قائداعظم ٹرافی کرکٹ ٹورنامنٹ میں پشاور ریجن نے راولپنڈی ریجن کو اننگز اور93رنز سے شکست دیدی۔ایبٹ آباد میں میچ کے تیسرے دن راولپنڈی کی ٹیم اپنی دوسری اننگز میں صرف87رنز بناکر آؤٹ ہوگئی ۔محمد الیاس نے5وکٹیں حاصل کیں۔ پشاور کی ٹیم اپنی پہلی اننگز میں 317رنز بناکر آؤٹ ہوئی ۔وقاراحمد نے184رنز کی شاندار اننگز کھیلی۔ کاشف علی نے5 وکٹیں حاصل کیں۔قذافی اسٹیڈیم میں ملتان نے اپنی پہلی اننگز میں چھ وکٹوں پر 329 رنز بنائے ۔زین عباس 94 رنز بناکر آؤٹ ہوئے۔تیسرے دن چائے کے وقفے کے بعد کھیل ممکن ہوسکا ، دوسرے دن ایک گیند بھی نہیں کرائی جاسکی تھی۔پنڈی کرکٹ اسٹیڈیم میں فیصل آباد نے اپنی دوسری اننگز میں دو وکٹوں پر 34 رنز بنائے، اس سے قبل لاہور بلوز کی ٹیم اپنی پہلی اننگز میں201 رنز بناکر آؤٹ ہوگئی ۔نثار احمد 44رنز کے ساتھ ٹاپ اسکورر رہے تھے۔ فیصل آباد نے پہلی اننگز میں 211 رنز بنائےتھے۔علی شفیق نے5وکٹیں حاصل کیں۔ شعیب اختر اسٹیڈیم پنڈی میں کراچی وائٹس اور فاٹا کے درمیان میچ کے تیسرے دن کراچی ریجن وائٹس کی ٹیم اپنی پہلی اننگز میں 144 رنز بناکر آؤٹ ہوگئی۔رمیز عزیز 45 رنز کے ساتھ ٹاپ اسکورر رہے۔عرفان اللہ شاہ نے چار وکٹیں حاصل کیں۔کھیل کے اختتام پر فاٹا نے اپنی پہلی اننگز میں110 رنز بنائے تھے اور اس کے 6 کھلاڑی آؤٹ ہوئے تھے۔
