فرمان الہی
نماز کے اوقات
کراچی ( اسٹاف رپورٹر) ایشین گیمز مردوں کے ٹیم اسکواش میں پاکستان نے بھارت کو دو- ایک سے شکست دے کر سیمی فائنل میں جگہ بنالی۔ اس سے قبل پاکستان نے سنگا پور کو 3-0سے زیر کیا تھا۔ آخری گروپ میچ میں پاکستان جمعرات کو کویت سے مقابلہ کرے گا۔ ہانگزو میں البتہ خواتین اسکواش ٹیم کی کارکردگی مایوس کن رہی ۔ پاکستانی ایتھلیٹکس ٹیم چین پہنچ گئی۔ برج میں پاکستان کو پہلے میچ میں بائی مل گئی تاہم دوسرے میں فلپائن نے ہرادیا ۔ ٹیبل ٹینس میں بھی پاکستانی کھلاڑی کامیابی کیلئے ترستے رہے۔ باکسنگ کے 57کے جی میں پاکستانی باکسر محمد ابراہیم کو عراقی باکسر نے شکست دے دی۔ ایران اور کوریا مردوں کے فٹبال کوارٹر فائنل میں پہنچ گئے۔میگا ایونٹ میزبان چین نے تمغوں کی سنچری مکمل کرلی، جس میں 76 گولڈ، 43 سلور اور 21 برانز میڈلز شامل ہیں، جنوبی کوریا دوسرے، جاپان تیسرے نمبر پر ہے، بھارت کی ساتویں پوزیشن ہے ۔
