• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

”ورلڈ کپ“ کا بڑا مقابلہ، پاک بھارت ٹاکرا ”جیو نیوز“ پر دیکھیں

آج کا اخبار
اہم خبریں
13 اکتوبر ، 2023
کراچی (جنگ نیوز) دُنیائے کرکٹ کے ”ورلڈ کپ“ کا سب سے بڑا مقابلہ ہفتے کو بھارت میں ہوگا جہاں پاکستان اور بھارت کی ٹیمیں ایک دوسرے سے ٹکرائیں گی۔ 14 اکتوبر کو ہونے والے پاک بھارت کرکٹ میچ کا کانٹے دار مقابلہ دیکھنے کیلئے دُنیا بھر کی نظریں اس مقابلے پر جمی ہوئی ہیں ، ”جیونیوز“ نے پاکستان اور بھارت سے تعلق رکھنے والے کرکٹ کے نامور کھلاڑیوں کو ایک بار پھر ایک پلیٹ فارم پر یکجا کرکے ٹیلی ویژن کی تاریخ کا اور بڑا ٹاکرا کرانے کا اہتمام کیا ہے جس میں پہلا ٹاکرا ”جیونیوز“ پاکستا ن“اور ”اے بی پی نیوز“ کے درمیان جمعہ کی شام 5 بجے ہوگا جس میں عبدالرزاق، عماد وسیم اور محمد عامر پاکستان کی نمائندگی کریں گے جبکہ کپل دیو، اتل واسن، شیکر دھون بھارت کی نمائندگی کریں گے پاکستان سے شو کے میزبانی دانش انیس جبکہ بھارت کی میزبان پریتی دھیا ہوں گی۔ دوسرا ٹاکرا ”جیونیوز“ اور ”آج تک نیوز“ کے مابین رات 8 بجے ہوگا۔ اس پینل میں عبدالرزاق، عماد وسیم، محمد عامر کے ساتھ بھارت کی جانب سے وکرانت گپتا، سنیل گواسکر مدن لعل اور سریش رائنا مدِ مقابل ہوں گے۔ شہزاد اقبال اس شو کی میزبانی کے فرائض انجام دیں گے۔ کرکٹ ماہرین کی سب سے بڑی ٹیم اس مقابلے کی لمحہ بہ لمحہ اَپ ڈیٹس اور رپورٹس بھی ”جیونیوز“ کے ذریعے ناظرین تک پہنچائے گی۔
اہم خبریں سے مزید