• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کوئٹہ، گاڑی چور گروہ کے سرغنہ سمیت 2 افراد گرفتار

میرا شہر
کوئٹہ
09 نومبر ، 2023
کوئٹہ(اسٹاف رپورٹر) شالکوٹ پولیس نے ہزار گنجی نوشکی اڈے میں کارروائی کرتے ہوئے گاڑیاں چوری کرنے والے گروہ کے سرغنہ سمیت دو افراد کو گرفتار کر کے چار کلو منشیات قبضے میں لے لی،پولیس کے مطابق ایس ایچ او شالکوٹ خیر محمد کو خفیہ اطلاع ملی تھی کہ گاڑی چوری کے مقدمے میں مطلوب اشتہاری ملزم رضوان ہزارگنجی میں نوشکی اڈے میں موجود ہے،انہوں نے عملے کے ہمراہ کارروائی کرتے ہوئے ملزم کو گرفتارکرکے 4 کلو چرس قبضے میں لے لی پولیس نے بتایاکہ ابتدائی تفتیشکے مطابق ملزم گاڑیاں چوری کرنے والے گروہ کا سر غنہ ہے جو کراچی جوہر آباد ، گلستان جوہر،گلشن اقبال اور پولیس تھانہ عزیز بھٹی کراچی کو گاڑیاں چوری کے مقدمات میں بھی مطلوب ہے ملزم چرس سپلائی کرنے جارہاتھا جبکہ ایک اور کارروائی میں ہوائی فائرنگ کرنیوالے ملزم فیض اللہ کو گرفتار کرکے رائفل 223 بمعہ 10 کارتوس برآمد کرلئے۔
کوئٹہ سے مزید