• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ایشیا کپ جیتنے والی وہیل چیئر کرکٹ ٹیم کے اعزاز میں تقریب

آج کا اخبار
اسپورٹس
23 دسمبر ، 2023
کراچی ( اسٹاف رپورٹر)نگران وزیراعلیٰ سندھ جسٹس (ر) مقبول باقر کی زیر صدارت وہیل چیئر کرکٹ ٹیم کے اعزاز میں وزیراعلیٰ سیکریٹریٹ میں تقریب منعقد کی گئی، وزیراعلیٰ سندھ نے وہیل چیئر کرکٹ ٹیم کے ایشیا کپ جیتنے پر ہر ایک ممبر کوایک لاکھ روپے انعام دینے کا اعلان کرتے ہوئے انہیں اعزازی تمغے بھی پہنائے ۔ تقریب سے خطاب کرتے ہوئے وزیراعلیٰ سندھ نے ایشیا کپ جیتنے والی وہیل چیئر کرکٹ ٹیم کی فتح پر مبارکباد دی اور کہا کہ دلیرانہ کامیابیاں نہ صرف پختہ عزم بلکہ خود کو بااختیار بنانے کی اقدار کو بھی اجاگر کرتی ہیں، کئی چیلنجوں کے باوجود میچ جیتنے کیلئے آپ کی صلاحیتوں کو بخوبی پہچانتا ہوں، اس موقع پر طہٰ فاروقی، سینیٹر کشور زہرہ ، رخسانہ راجپوت اور دیگر بھی موجود تھے۔
اسپورٹس سے مزید