• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

نواز شریف کا چہرہ اترا ہوا‘ نہیں لگتا وہ وزیراعظم بنیں گے، بلاول بھٹو

آج کا اخبار
اہم خبریں
10 جنوری ، 2024
اسلام آباد(این این آئی)چیئرمین پیپلز پارٹی بلاول بھٹو زرداری نے کہاہے کہنواز شریف کا چہرہ تو اترا ہوا ہے ایسا نہیں لگ رہا ہےکہ وہ وزیر اعظم بنیں گے‘ ان کو یقین ہوتا تو وہ اپنی انتخابی مہم چلا رہے ہوتے‘اداروں کو مداخلت اور سیاست نہیں کرنی چاہیے‘ آصف علی زرداری کے مجھ سے متعلق بیان کو غلط انداز میں لیا گیا،ان کے ساتھ کوئی اختلاف نہیں‘ آئندہ الیکشن میں بھی اتنی ہی گڑ بڑ ہو رہی ہے جتنی ماضی میں ہوتی رہی۔ گزشتہ روزایک انٹرویو میں بلاول بھٹو زرداری نے کہاکہ نئی حکومت کا مقصد یہی ہو گا کہ مخالفین کو جیل میں ڈالنا ہے تو ملک نہیں چلے گا‘ سیاستدان یہی سیاست کرتے بزرگ ہو گئے، کیا آخری اننگز میں بھی یہی کریں گے؟ انہوں نے کہا کہ جلسے میں سائفر لہرا کر سکیورٹی معاملات پر سمجھوتہ کیا گیا‘بانی پاکستان تحریک انصاف نے قوم کو بے وقوف بنانے کی کوشش کی ،ذوالفقار علی بھٹو کی راولپنڈی کی تقریر بالکل مختلف معاملہ تھا، انہوں نے کوئی سائفر نہیں لہرایا تھا۔پی ٹی آئی کے ساتھ بات چیت کا تجربہ اچھا نہیں تھا۔
اہم خبریں سے مزید