فرمان الہی
نماز کے اوقات
کراچی ( اسٹاف رپورٹر ) تورسم خان آل پاکستان اسکواش چیمپئن شپ کے پہلے راؤنڈ میں ٹاپ سیڈ کھلاڑی جیت گئے۔ پاکستان نیوی روشن خان جہانگیر خان کمپلیکس میں پہلے راؤنڈ میں مینز کیٹگری میں آرمی کے صدام الحق نے اذان خلیل اور پنجاب کے عبداللہ ندیم نے سندھ کے کاوش خان کو ہرایا۔ خیبر پختون خوا کے جواد علی کو اپنے ساتھی کھلاڑی شایان علی کے خلاف واک اوور ملا ۔ محمد زمان نے محمد علی کو مات دی ۔ پنجاب کے ورون آصف نے نیوی کے حذیفہ شاہد کے خلاف فتح سمیٹی ۔ اشعر بٹ نے زوہیب خان کو صرف بیس منٹ میں آؤٹ کلاس کیا ۔ سندھ کے طلحہ سعید نے پنجاب کے محمد احمد کے خلاف کامیابی حاصل کی ۔ ارباز عزیز، بلال ذاکر، حسن پراچہ اور انس دلشاد نے بھی اپنے اپنے میچز جیت لیے ۔ خواتین کیٹگری میں مہوش علی نے ہدی خان کو تین صفر سے ڈھیر کیا ۔ وانیہ طاہر نے سندس جہانگیر کے خلاف صرف تیرہ منٹ میں کامیابی حاصل کی ۔ انعم عزیز نے ایمن فاطمہ کو ، سیدہ زنیرہ کو، اینا شیخ نے رضیہ شیر خان کو ، ماہنور نے علی نے مینال علی کو اور سیدہ سارہ نے مرضیہ علی کوشکست دی ۔ جویریا جاوید کو لائبہ خان کے خلاف واک اوور ملا۔
