شب برأت، صاحبزادہ بلال عباس قادری، محمد شاہد غوری نے قبرستانوں کا دورہ کیا

کراچی ( اسٹاف ر پو ر ٹر) صاحبزادہ بلال عباس قادری،محمد شاہد غوری نے قبرستانوں کا دورہ کر کے پاکستان سنی تحریک کے استقالیہ کیمپ پر زائرین میں دودھ،چائے شربت اور لنگر تقسیم کیا، پاکستان سنی تحریک کے تحت قبرستانوں لائٹنگ کے بہترین انتظامات متعلقہ اداروں کے ساتھ ملکر کئے تھے،انہوں نے کہا کہ بانی وقائد شہید محمد سلم قادری اور سربراہ سنی تحریک شہید محمد عباس قادری کے نقش قدم پر چلتے ہوئے عوام کی خدمت کرتے رہینگے، شب برأت رحمتوں عظمتوں،بخشش ومغفرت اور شفاعت کی رات ہے،انہوں نے کہاکہ قبرستان جانا اپنے پیاروں کیلئے دعا کرنا سنت مبارک ہے ، آئین وقانون کی بالادستی پر یقین رکھتے ہیں حکومت آئینی طور پر قادیانیوں کی سرگرمیوں پر مکمل پابندی اور عائد کرے۔