• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عرفان نیازی کی یادگار اننگز، کراچی کنگز نے لاہور قلندرز کو ہرادیا

آج کا اخبار
اہم خبریں
10 مارچ ، 2024
کراچی(عبدالماجدبھٹی)پاکستان سپر لیگ نائن میں نوجوان عرفان خان نیازی نے زندگی کی یادگار اننگز کھیلتے ہوئے کراچی کنگز نےلاہور قلندرز کے خلاف تین وکٹ سے کامیابی دلوادی۔شعیب ملک نے زمان خان کے آخری گیند پر پوائنٹ پر چوکا مارکر نا ممکن کو ممکن بنادیا۔ شعیب ملک نے17گیندوں پر27نا قابل شکست رنز بناکر اپنی ٹیم کو چوتھی فتح دلوادی۔اس جیت کے ساتھ کراچی نے ایک بار پھر پلے آف میں کوالی فائی کرنے کے امکانات کو روشن کر لیا ہے جبکہ لاہور قلندرز کو ٹورنامنٹ میں ساتویں شکست کا منہ دیکھنا پڑا۔عرفان نیازی 16گیندوں پر35رنز بناکر شاہین کی گیند پر بولڈ ہوئے۔انہوں نےشعیب ملک کے ساتھ 52رنز کی شراکت قائم کی۔ہفتے کی شب نیشنل اسٹیڈیم میں کراچی نے نویں میچ میں چوتھی کامیابی حاصل کی۔اس کے پوائنٹس8ہوگئے ہیں۔قلندرز نے9میچوں کے بعد ایک میچ جیتا ہے سات میں شکست ہوئی اور ایک میچ بارش کی نذر ہوا۔اس کے تین پوائنٹس ہیں۔اتوار کو دومیچ ہوں گے۔پنڈی میں اسلام آباد کا میچ ملتان سلطانز سے ہوگااگر اسلام آبادنے میچ جیت لیا تو وہ پلے آف میں پہنچ جائے گا۔کراچی میں کوئٹہ گلیڈی ایٹرز کا مقابلہ لاہور قلندرز سے ہوگا۔کوئٹہ کو پلے آف میچ جانے کے لئے جیت ضروری ہے۔
اہم خبریں سے مزید