کراچی(اسٹاف رپورٹر)پاکستان سپر لیگ نائن میں پشاور زلمی نے حیران کن طور پرچھوٹے ہدف کا کامیاب دفاع کرتے ہوئے کراچی کنگز کو دلچسپ مقابلے کے بعد دو رنز سے شکست دے دی اور پوائنٹس ٹیبل پر پہلی پوزیشن حاصل کرلی۔ آخری اوور میں17اور آخری گیند پر چار رنز کی ضرورت تھی۔لیکن عامر جمال نے گیارہ رنز دیئے۔ کراچی پانچ وکٹ پر145رنز بناسکی۔ عرفان نیازی39اور انور علی14رنز بناکر ناٹ آوٹ رہے۔ کراچی پہلے ہی ٹورنامنٹ سے باہر ہوچکی ہے۔ ٹورنامنٹ میں کراچی کنگز نے دس میچوں کے اختتام پرچھٹی شکست کا مزہ چکھا اور8 پوائنٹس کے ساتھ فنش کیا۔ جبکہ زلمی کے میچ بھی مکمل ہوئے اس نے چھٹی کامیابی حاصل کی اور اس کے پوائنٹس13ہوگئے۔ منگل کو آخری لیگ میچ کوئٹہ گلیڈی ایٹرز اور ملتان سلطانز کے درمیان کھیلا جائے گا۔ مشکل پچ پر ٹم سیفرٹ اور جیمز ونس نے جارحانہ بیٹنگ سے زلمی کو دباؤ میں رکھا جبکہ زلمی کو پچ کی مناسبت سے ایک ریگولر اسپنر کھلانے کا فیصلہ درست ثابت نہ ہوسکا۔ ٹم سیفرٹ نے30گیندوں پر 40رنز کی اننگز کھیلی۔
فرمان الہی
نماز کے اوقات
