فرمان الہی
نماز کے اوقات
کراچی(اسٹاف رپورٹر ) مختلف حادثات میں2 افراد جاں بحق ہوگئے،خاتون اور چینی شہری سمیت 4 افراد کی لاشیں ملیں، تفصیلات کے مطابق لانڈھی شفیع موڑ کمپنی کے قریب تیز رفتار گاڑی کی ٹکر سے 43 سالہ شاہد محمد ولد دوست محمد جاں بحق ہوگیا ، کورنگی ابراہیم حیدری جمعہ گوٹھ کے قریب واقع کمپنی میں لفٹ گر نے سے اس کے تلے دب کرمزدور 24 سالہ خان صاحب ولد اللہ ڈنو جاں بحق ہوگیا، علاوہ ازیں گذری کے علاقے اپر گزری میں واقع ایک فلیٹ سے برآمد چینی شہری کی لاش جناح اسپتال منتقل کی گئی ،لاش کئی روز پرانی بتائی جاتی ہے، شناخت 55 سالہ چنگ شپنگ ولد کیو چین کے نام سے ہوئی ہے،ایس ایچ او اعظم راجپر کے مطابق متوفی سال 2020 سے یہاں کرائے کے فلیٹ میں مقیم تھا ، ڈاکٹرز نے ابتدائی طور پر اسکی موت کو طبعی قرار دیا ہے ،ملیر کالا بورڈ پل کے نیچے فٹ پاتھ سے 45سالہ نامعلوم خاتون کی لاش ملی ،فوری شناخت اور وجہ موت کا تعین نہیں ہوسکا ، گلستان جوہر بلاک 18پرفیوم چوک کے قریب فٹ پاتھ سے 36 سال کے سید رمیز حسن ولد سید بلند کی لاش ملی ،کلفٹن کے علاقے 2 تلوار انڈر بائی پاس کے قریب فٹ پاتھ سے ایک شخص کی لاش ملی ، پولیس کے مطابق متوفی کی عمر 25برس کے قریب ہے شناخت کی کوئی چیز نہیں ملی ، لاش سرد خانے رکھوادی گئی۔
