• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیف جسٹس ججز کے خط کا سوموٹو نوٹس لیں‘ بلوچستان بار کونسل

میرا شہر
کوئٹہ
28 مارچ ، 2024
کوئٹہ(اسٹاف رپورٹر)بلوچستان بار کونسل نے اسلام آباد ہائیکورٹ کے چھ ججز کی جانب سے لکھے گئے خط میں اداروں کی جانب سے عدالتوں کے معاملات میں مبینہ مداخلت پر تحفظات اور تشویش کا اظہار کرتے ہوئے مطالبہ کیاہےکہ سپریم کورٹ کے چیف جسٹس اداروں کی جانب سے عدالتی امور میں مداخلت کا سوموٹو نوٹس لیں۔ بیان میں کہاگیاکہ اس سے قبل بھی اسلام آباد ہائی کورٹ کے جج جسٹس شوکت صدیقی نے اداروں کی جانب سے مداخلت پر تشویش کا اظہار کیا تھا اس وقت کے سپریم جوڈیشل کونسل نے تحقیقات کی بجائے معزز جج کو نوکری سے برخاست کیااور سپریم کورٹ نے سپریم جوڈیشل کونسل کے فیصلے کو مسترد کرکے معزز جج کو بحال کیا۔بیان میں کہاگیاکہ اسلام آباد ہائیکورٹ کے چھ ججز کا حالیہ خط اور اداروں کی جانب سے عدالتی امور میں مداخلت قابل مذمت ہے۔
کوئٹہ سے مزید