• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بہاولپور، ٹی ٹی پی کے 2 دہشتگرد اپنے ساتھیوں کی فائرنگ سے ہلاک

آج کا اخبار
اہم خبریں
02 مئی ، 2024
بہاولپور (این این آئی)بہاولپورمیں ٹی ٹی پی کے 2 دہشتگرد اپنے ساتھیوں کی فائرنگ سے ہلاک ہو گئے۔ دہشتگردوں کے نیٹ ورک نے وفاقی وزیر ریاض حسین پیرزادہ کے قتل کی منصوبہ بندی کر رکھی تھی، حکام کے مطابق ہلاک ہونے والے دہشتگرد عدیل عرف سیف اللہ خراسانی اور زین عرف اسد اللہ خراسانی کو چند دن پہلے حاصل پور سے گرفتار کیا گیا تھا، دونوں کو بہاولپور میں اسلحے کی نشاندہی کیلئے لے جایا جا رہا تھا کہ اْن کے ساتھیوں نے گھات لگا کر فائرنگ کر دی، گولیاں لگنے سے دونوں زیر حراست دہشت گرد مارے گئے۔سی ٹی ڈی حکام کے مطابق دہشتگردوں نے چار رکنی نیٹ ورک تشکیل دے رکھا تھا اور ہلاک دہشتگردوں کے نیٹ ورک نے وفاقی وزیر ریاض حسین پیرزادہ کے قتل کی منصوبہ بندی کر رکھی تھی۔
اہم خبریں سے مزید