اسلام آباد(نمائندہ جنگ)چیف جسٹس پاکستان جسٹس قاضی فائز عیسیٰ اور ان کے اہلخانہ نے ہزاروں مربع فٹ زمین انوائرمینٹل سینٹر کے لیے عطیہ کردی ہے،قائد اعظم ریزیڈینسی زیارت سے ملحقہ 31 ہزار 680مربع فٹ زمین آزادی کے 77 مکمل ہونے پر بلوچستان حکومت کو تحفہ کرتے ہوئے زمین عوامی فائدے کے لیے بطور انوئرمینٹل سنٹر استعمال میں لانے کی خواہش کا اظہار کیا گیا ہے۔ قاضی خاندان کی طرف سے چیف سیکریٹری بلوچستان کے توسط سے صوبائی حکومت کو ارسال کردہ خط میں زیارت میں 31ہزار 680مربع فٹ زمین حکومت کو دیدیا گیا ہے اور کہا گیا ہے کہ اس سلسلے میں ہم اس کا لائسنس بلا معاوضہ حکومت بلوچستان کو دینے کی خواہش رکھتے ہیں ، اس سلسلے میں ہم نے لائسنس کی شرائط و ضوابط سے متعلق دستاویزات کو منسلک کردیا ہے۔انہوں نے کہا کہ اگر حکومت رضا مندی ظاہر کرتی ہے تو ہم لوگوں کے لیے 14اگست 2024کے پرمسرت دن پر اس تحفے کو پیش کرنا چاہتے ہیں۔
فرمان الہی
نماز کے اوقات
