• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چین، روس اور ایران کی افغانستان میں دہشتگرد گروپوں کے کام کرنیکی تصدیق

آج کا اخبار
اہم خبریں
30 ستمبر ، 2024
اسلام آباد (نمائندہ جنگ) پاکستان کو سفارتی محاذ پر ایک بڑی کامیابی حاصل ہوئی ہے۔ چین، روس اور ایران نے تصدیق کی ہے کہ کالعدم تحریک طالبان پاکستان (ٹی ٹی پی)، مجید بریگیڈ، اور بلوچستان لبریشن آرمی (بی ایل اے) سمیت متعدد دہشت گرد گروپ افغانستان سے کام کر رہے ہیں اور پڑوسی ممالک کے لیے خطرے کا باعث ہیں۔ اقوام متحدہ کے 79ویں جنرل اسمبلی اجلاس کی سائیڈ لائن پر پاکستان، چین، روس اور ایران کے وزرائے خارجہ کا چار فریقی اجلاس ہوا۔اجلاس کے بعد جاری ہونے والے مشترکہ بیان کے مطابق چاروں وزرائے خارجہ نے افغان طالبان کے ٹی ٹی پی سمیت کسی بھی دہشت گرد گروپ کو پناہ نہیں دینے کے دعوؤں کو مسترد کر دیا۔ چاروں ممالک کے وزرائے خارجہ نے افغانستان میں دہشت گردی سے متعلق سیکیورٹی کی صورتحال پر گہری تشویش کا اظہار کرتے ہوئے کہا کہ دہشت گرد گروپس داعش، القاعدہ، مشرقی ترکستان اسلامک موومنٹ (ای ٹی آئی ایم)ٹی ٹی پی، جیش العدل، بلوچستان لبریشن آرمی اور مجید بریگیڈ افغانستان میں چھپے ہوئے ہیں۔
اہم خبریں سے مزید