فرمان الہی
نماز کے اوقات
کراچی(اسٹاف رپورٹر) ہانگ کانگ سُپر سکسز میں پاکستان نے سیمی فائنل میں رسائی حاصل کرلی۔ہانگ کانگ سُپر سکسز میں پاکستان نے کوارٹر فائنل میں جنوبی افریقا کو 17 رنز سے دلچسپ مقابلے کے بعد شکست دے دی۔ہانگ کانگ سپر سکسز کے سیمی فائنل اور فائنل اتوار کو کھیلے جائیں گے۔پاکستانی ٹیم نے 6 اوورز میں 3 وکٹ پر 105 رنز بنائے تھے اور جنوبی افریقا کو جیت کے لیے 106 رنز کا ٹارگٹ دیا تھا۔پاکستان کی جانب سے محمد اخلاق نے 16 گیندوں پر 53 رنز کی اننگز کھیلی جبکہ حسین طلعت نے 11 گیندوں پر 27 رنز بنائے۔جواب میں جنوبی افریقا کی ٹیم 4 وکٹوں کے نقصان پر 88 رنز بنا سکی،پاکستان کے حسین طلعت نے 2 کھلاڑیوں کو آئوٹ کیا۔دوسری جانب بھارتی ٹیم مسلسل تین شکستوں کا سامنا کرنے کے بعد ہانگ کانگ سپر سکسز ٹورنامنٹ سے باہر ہوگئی، ٹیم کو آخری دھچکا متحدہ عرب امارات نے لگایا۔ہانگ کانگ سُپر سکسز میں متحدہ عرب امارات نے سنسنی خیز مقابلے میں بھارت کو 1 رن سے شکست دے کر ایونٹ سے باہر کر دیا۔ہانگ کانگ سُپر 6 میں یو اے ای نے پہلے کھیلتے ہوئے 130 رنز بنائے تھے اور بھارت کو جیت کے لیے 131 رنز کا ہدف دیا تھا۔
