• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عمران خان نے کہا ہے کسی قسم کی کوئی ڈیل نہیں ہوگی‘ وکیل

آج کا اخبار
اہم خبریں
03 نومبر ، 2024
راولپنڈی (این این آئی)بانی پی ٹی آئی عمران خان کے وکیل فیصل چوہدری ایڈووکیٹ نے کہا ہے کہ اڈیالہ جیل آنے والے غیر ملکی وفد کا بانی کے ساتھ کوئی تعلق نہیں‘بانی پی ٹی آئی کی کسی غیر ملکی وفد سے ملاقات نہیں ہوئی‘ عمران خان کا واضح موقف ہے کسی قسم کی کوئی ڈیل نہیں ہو گی،بنیادی انسانی حقوق کی خلاف ورزی پر سپریم کورٹ جانے کی ہدایت کی ہے، آئین و قانون کی بالادستی کے لیے احتجاج جاری رکھیں گے۔اڈیالہ جیل کے باہر میڈیا سے گفتگو کرتے ہوئے فیصل چوہدری نے کہا کہ بانی پی ٹی آئی نے گزشتہ دو سماعتوں پر بات نہیں کی، بات نہ کرنے کی وجہ سماعتیں مختصر ہونا ہے۔بانی پی ٹی آئی نے انتظار پنجوتھاکے اغوا پر تشویش کا اظہار کیا ہے۔
اہم خبریں سے مزید