فرمان الہی
نماز کے اوقات
اسلام آباد(نمائندہ جنگ ) بانی پی ٹی آئی عمران خان نے کہا ہے کہ بشریٰ بی بی سیاست میں حصہ نہیں لے رہیں، نہ لیں گی۔ 24 نومبر کو نہ صرف خود نکلیں بلکہ لوگوں کو بڑے پیمانے پر متحرک کرنے کی تحریک چلائیں قوم باہر نکلے، کہتے ہیں جمہوریت خطرے میں ہے لیکن ملک میں جمہوریت موجود ہی نہیں ، عمران خان کے وکیل فیصل چوہدری نے جمعہ کو اڈیالہ سنٹرل جیل کے باہر میڈیا ٹاک میں بتایا کہ بانی پی ٹی آئی نے کہا کہ نیب کے بیان کے بعد چیئرمین نیب اور تفتیشی استعفیٰ دیں، انکو جھوٹے مقدمہ میں ٹرائل کیا گیا،شفاف ٹرائل کے بنیادی حقوق کا حق نہیں دیا گیا ہم ریفرنس کو ریمانڈ کرنے کو نہیں مانیں گے،اپوزیشن جماعتوں کو ساتھ ملانے کے لئے سیاسی کمیٹی کی ذمہ داری لگائی گئی ہے۔ علاوہ ازیں اڈیالہ جیل سے کارکنوں کے نام پیغام میں بانی پی ٹی آئی نے کہا ہے کہ قوم کو کال دے رہا ہوں کہ یہی وقت ہے ، اب نہیں تو کب؟ ہم نہیں تو کون؟ 24 نومبر کو نہ صرف خود نکلیں بلکہ ہر فرد ذمہ داری لے کر لوگوں کو بڑے پیمانے پر متحرک کرنے کی تحریک چلائے۔
