فرمان الہی
نماز کے اوقات
کراچی (اسٹاف رپورٹر) سابق فاسٹ بولر وہاب ریاض کی ایک بار پھر پاکستان کرکٹ بورڈ میں واپسی ہورہی ہے، انہیں اہم ذمے دینے کا فیصلہ کیا گیا ہے۔ ذرائع کے مطابق وہاب ریاض ڈومیسٹک کرکٹ میںچیمپئنز کپ کو سپروائز کریں گے جبکہ ساتھ ہی وہ مینٹورز کے ہیڈ بھی ہوں گے ۔ سابق فاسٹ بولر اس سے قبل قومی سلیکشن کمیٹی کے رکن اور پاکستان کرکٹ ٹیم کے سینئر منیجر بھی رہ چکے ہیں۔ 39 سالہ وہاب ریاض نے انٹرنیشنل کرکٹ کیریئر کے دوران ٹیسٹ میچز میں 83، ایک روزہ کرکٹ میں120 اور ٹی 20 میں 34 وکٹ اپنے نام کی ہیں۔سابق فاسٹ بولر نے 27 ٹیسٹ، 91 ون ڈے انٹرنیشنل اور 36 ٹی20 میچز میں پاکستان کی نمائندگی کی ہے۔
