• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی، ہوٹل میں آگ، خواتین ون ڈے ٹورنامنٹ کے بقیہ میچز ملتوی

آج کا اخبار
اہم خبریں
19 نومبر ، 2024
کراچی(عبدالماجد بھٹی)پاکستان کرکٹ بورڈ نے شاہراہ فیصل پر ہوٹل میں آتش زدگی کے واقعات کے بعد قومی ویمن ون ڈے ٹورنامنٹ کے بقیہ میچز منسوخ کردیئے۔پی سی بی کے مطابق شہر میں کسی دوسرے معیاری ہوٹل میں درکار 100 کمرے دستیاب نہیں تھے، ابتدائی چار چار میچز کے بعد اب دو ٹاپ ٹیمیں انونسیبل اور اسٹارز فائنل کھیلیں گی۔ تاریخ اور وینیو کا فیصلہ بعد کیا جائے گا ۔ٹورنامنٹ مختصر کرنے کا فیصلہ پلیئرز کی صحت اور حفاظت کے پیش نظر کیا گیا ہے۔ پی سی بی کے مطابق مقامی ہوٹل میں آتشزدگی سے کسی کھلاڑی کو نقصان نہیں ہوا، آتشزدگی کے موقع پر چار ٹیمیں میچز اور ایک ٹیم پریکٹس میں مصروف تھی جبکہ پانچ کھلاڑی ہوٹل میں تھیں ،واقعے کے وقت ہوٹل میں موجود پانچوں کھلاڑیوں کو فوری طور پر نکال کرحنیف محمد ہائی پرفارمنس سینٹر منتقل کردیا گیا۔
اہم خبریں سے مزید