• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بنگلہ دیش کے نئے ہائی کمشنر اقبال حسین آئندہ ہفتے اسلام آباد پہنچیں گے

آج کا اخبار
اہم خبریں
09 دسمبر ، 2024
اسلام آباد (فاروق اقدس) مصدقہ ذرائع سے معلوم ہوا ہے کہ پاکستان کیلئے بنگلہ دیش کے نئے ہائی کمشنر اقبال حسین آئندہ ہفتے پاکستان پہنچ جائیں گے اور امکانی طور پر نئے سال کے آغاز پر اسلام آباد میں باضابطہ طور پر اپنی سفارتی ذمہ داریاں سنبھال لیں گے۔ یاد رہے کہ بنگلہ دیش میں حکومت کی تبدیلی کے بعد پاکستان میں تعینات بنگلہ دیشی ہائی کمشنر روح العالم صدیقی کا نام بھی بیرون ممالک میں سابقہ رجیم کے تعینات کئے گئے ان سفارتکاروں میں شامل تھا جنہیں حسینہ واجد کی معزولی کے بعد واپس بلالیا گیا تھا۔ تاہم روح العالم نئے نامزد ہائی کمشنر کے انتظار میں غیر فعال حیثیت میں بحیثیت ہائی کمشنر اسلام آباد میں ہی موجود تھے۔ ذرائع کے مطابق آئندہ ہفتے نئے ہائی کمشنر اقبال حسین کے پاکستان پہنچنے پر وہ بھی بنگلہ دیش روانہ ہو جائیں گے۔ یہاں یہ بات قابل ذکر ہے کہ شیخ حسینہ واجد کی حکومت کے خاتمے کے بعد بنگلہ دیش کی وزارت خارجہ کے سینئر ڈپلومیٹ اقبال حسین کو فوری طور پر پاکستان کیلئے ہائی کمشنر تعینات کر دیا گیا اور پاکستان نے بلاتاخیر ان کا ایگریما بھی منظور کر لیا تھا۔
اہم خبریں سے مزید