فرمان الہی
نماز کے اوقات
کراچی(اسٹاف رپورٹر)پولیس نے شہر میں مختلف کارروائیوں کے دوران منشیات فروش خاتون سمیت 4 ملزمان کو گرفتار کرلیا، گرفتار ملزمان کے قبضے سے اسلحہ،منشیات،آئس برآمد کرکے مقدمات درج کر لیے گئے۔تفصیلات کے مطابق، اسپیشل انویسٹیگیشن یونٹ(ایس آئی یو) نےمحمدی سوئٹس لیاقت آباد کے قریب چھاپہ مار کر مبینہ طور پراسٹریٹ کرائم اور ڈکیتیوں کی وارداتوں میں ملوث 2 ملزمان سواد احمد اورمحمد ثاقب عارف کو گرفتار کرلیا۔گرفتار ملزمان سے 2 عدد 30بورکے پسٹل برآمد ہوئے،ـ دوران تفتیش ملزمان نے اپنے دیگر ساتھیوں کے ہمراہ کراچی کے مختلف علاقوں میں ڈکیتی و اسٹریٹ کرائم کی وارداتوں میں ملوث ہونے کا اعتراف کیا ۔جیکسن کی پولیس نے منشیات فروشی میں ملوث خاتون کو گرفتار کر لیا۔ملزمہ کی شناخت ثریا بی بی زوجہ ہمایوں خان کے نام سے ہوئی۔گرفتار ملزمہ کے قبضہ سے 60گرام آئس برآمد ہوئی۔ تھانہ جیکسن پولیس نے مبینہ طور پراسٹریٹ کرائم کی وارداتوں میں ملوث راشد نامی ملزم کوگرفتار کرلیا۔
