• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گلگت بلتستان کے عوام منفی 11 گریڈ کی سردی برداشت کرنے پر مجبور

آج کا اخبار
اہم خبریں
08 جنوری ، 2025
اسلام آباد (رپورٹ حنیف خالد) ملک کے شمالی علاقہ جات گلگت بلتستان میں عوام نقطہ انجماد سے 11درجے تک سرد ترین موسم کا سامنا کرنے پر مجبور ہیں، گلگت بلتستان میں جنوری 2025کے پہلے ہفتے کے روز سے بجلی کی لوڈشیڈنگ کا دورانیہ 15,10,8 نہیں بلکہ بجلی 22گھنٹے نایاب ہوگئی ہے جبکہ درجہ حرارت 7,5 سینٹی گریڈ نہیں بلکہ منفی 11 سینٹی گریڈ ہوگیا۔ گلگت و بلتستان تین ڈویژنز بلتستان، دیا میر اور گلگت اور 14اضلاع پر مشتمل ہے۔ بلتستان ڈویژن سکردو، شگر، کھرمنگ، روندو اور گانچھے کے اضلاع پر مشتمل ہے۔ گلگت ڈویژن گلگت، غذر، ہنزہ، یسین، اورنگر کے اضلاع پر مشتمل ہے جبکہ دیا میر ڈویژن داریل، تانگیر، استوراور دیامیر کے اضلاع پر مشتمل ہے۔
اہم خبریں سے مزید