فرمان الہی
نماز کے اوقات
کراچی(اسٹاف رپورٹر)ویسٹ انڈیز کےخلاف ٹیسٹ سیریز کے لئے قومی سلیکشن کمیٹی نے جنوبی افریقا میں سب سے کامیاب فاسٹ بولر محمد عباس کو ڈراپ کردیا گیا ہے۔محمد عباس کو تقریباً 3 سال بعد ٹیسٹ اسکواڈ میں شامل کیا تھا اور انہوں نے جنوبی افریقا کے خلاف 2 ٹیسٹ میچوں کی سیریز میں 10 وکٹیں بھی حاصل کی تھیں۔پاکستان نے تین ریگولر اسپنرز نعمان علی،ساجد خان اور ابرار احمد کو شامل کیا ہے جس سے یہی لگ رہا ہے کہ پاکستان اسپنرز کے ساتھ ویسٹ انڈین بیٹرز پرحملہ آور ہوگا۔حسیب اللہ کے ان فٹ ہونے پر روحیل نذیر کو ٹیسٹ ٹیم میں ریزرو وکٹ کیپر کی حیثیت سے منتخب کیا گیا ہے۔پی سی بی کا کہنا ہے کہ ورک لوڈ مینجمنٹ کے حصے کے طور پر عامر جمال، محمد عباس، میر حمزہ اور نسیم شاہ کو آرام دیا گیا ہے۔ ان کی جگہ سلیکٹرز نے خرم شہزاد کو برقرار رکھا ہے جبکہ ڈومیسٹک کرکٹ کے کامیاب فاسٹ بولرمحمد علی کو واپس بلایا ہے اورنوجوان کاشف علی کو پہلی بار پاکستانی ٹیم میں جگہ ملی ہے۔ زخمی صائم ایوب اور آؤٹ آف فارم عبداللہ شفیق کی جگہ اوپنرز امام الحق اور محمد ہریرہ کو بھی واپس لایا گیا ہے۔شاہین شاہ آفریدی ایک بار پھر ٹیسٹ ٹیم میں شامل نہیں ہیں انہوں نے آئی سی سی چیمپنز ٹرافی تک ٹیسٹ میچ میں منتخب نہ کرنے کی درخواست کی ہوئی ہے۔بورڈ نے ہفتے کو ویسٹ انڈیز کے خلاف آئی سی سی ورلڈ ٹیسٹ چیمپئن شپ کے دو ٹیسٹ میچوں کے لیے 15 رکنی اسکواڈ کا اعلان کردیا ہے۔اسکواڈ ان کھلاڑیوں پر مشتمل شان مسعود (کپتان)، سعود شکیل (نائب کپتان)، بابر اعظم، کامران غلام، خرم شہزاد، محمد رضوان، نعمان علی، اور سلمان علی آغا۔اسپن کے شعبے کو مضبوط بنانے کے لیے آف اسپنر ساجد خان اور لیفٹ آرم اسپنر نعمان علی کے ساتھ پارٹنر بنانے کے لیے لیگ اسپنر ابرار احمد کو واپس بلایا گیا ہے۔وکٹ کیپر بیٹر حسیب اللہ کی غیر موجودگی میں جو جنوبی افریقاکے دورے میں زخمی ہوگئے تھے ، پاکستان انڈر 19 کے سابق کپتان اور شاہینز کے کپتان روحیل نذیر کو اسکواڈ میں شامل کیا گیا ہے۔ویسٹ انڈیز کے خلاف ٹیسٹ کے لیے پاکستانی ٹیم ان کھلاڑیوں پر مشتمل ہے۔شان مسعود (کپتان) سعود شکیل (نائب کپتان) ابرار احمد، بابر اعظم، امام الحق، کامران غلام، کاشف علی، خرم شہزاد، محمد علی، محمد ہریرہ، محمد رضوان (وکٹ کیپر/ بیٹر )، نعمان علی، روحیل نذیر (وکٹ کیپر/ بیٹر )، ساجد خان، اور سلمان علی آغا۔
