• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صدر اسلام آباد چیمبر کا تاجر برادری کو درپیش چیلنجز کو حل کرنے کے عزم کا اعادہ

میرا شہر
اسلام آباد
19 جنوری ، 2025
اسلام آباد(جنگ نیوز) اسلام آباد چیمبر آف کامرس اینڈ انڈسٹری کے صدر ناصر منصور قریشی نے کاروبار کرنے میں آسانی کے لیے اور ملک کی اقتصادی ترقی میں معاونت کے لیے مقامی تاجر برادری کو درپیش چیلنجز کو حل کرنے کے اپنے عزم کا اعادہ کیا ہے ۔ ہفتہ کو چیمبر کا دورہ کرنے والے کاروباری رہنماؤں سے ملاقات میں صدر قریشی نے کاروباری برادری اور سرکاری محکموں کے درمیان بہتر تعلقات کو فروغ دینے کی اہمیت پر زور دیا ا ور دونوں فریقوں کے درمیان خلیج کو ختم کرنے اور کاروبار کو ہموار کرنے کے لیے ضروری سہولیات کی فراہمی کو یقینی بنانے کے لیے چیمبر کی کوششوں کو اجاگر کیا۔کاروباری رہنماؤں نے سیکیورٹی، صفائی، فیڈرل بورڈ آف ریونیو (ایف بی آر) کی جانب سے بےتحاشا ٹیکسوں اور کیپٹل ڈیولپمنٹ اتھارٹی (سی ڈی اے) کی جانب سے عائد کردہ مقامی ٹیکسوں پر تشویش کا اظہار کیا، جو ان کے خیال میں سرمایہ کاری کی حوصلہ شکنی کر رہے ہیں۔ صدر قریشی نے یہ امید بھی ظاہر کی کہ سی ڈی اے کے چیئرمین اتھارٹی سے متعلق خدشات کو دور کرنے کے لیے کاروباری رہنماؤں کے ساتھ براہ راست بات چیت کی تجویز کا مثبت جواب دیں گے۔ مزید برآں انہوں نے کاروباری برادری کو رہائش کے سنگین مسائل کا اعتراف کیا اور اس سلسلے میں ایک ہاؤسنگ سوسائٹی کے لیے چیمبر کی کوششوں پر بھی روشنی ڈالی۔ سینئر نائب صدر عبدالرحمٰن صدیقی نے آئندہ رمضان فیسٹیول کی تیاریوں کے بارے میں اپ ڈیٹس شیئر کیں۔
اسلام آباد سے مزید