• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جڑواں شہروں میں ایک کار، 25 موٹر سائیکل اڑا لئے گئے، جھپٹا مار گروپ بھی سر گرم 

میرا شہر
اسلام آباد
20 جنوری ، 2025
اسلام آباد‘ راولپنڈی (خصوصی نامہ نگار‘ سٹاف رپورٹر) جڑواں شہروں میں ڈکیتی‘ سرقہ بالجبر‘ نقب زنی‘ قفل شکنی اور راہزنگی کی درجنوں وارداتوں میں شہری لاکھوں روپے کی قیمتی اشیاء‘ طلائی زیورات اور قیمتی سامان سے ہاتھ دھو بیٹھے۔ ایک کار اور 25موٹر سائیکل اڑا لئے گئے جبکہ راولپنڈی میں ’’جھپٹا مار گروپ‘‘ کی سرگرمیاں بھی جاری رہیں اور 5موبائل جھپٹا مار کے چھین لئے گئے۔ وفاقی دارالحکومت میں 13وارداتوں میں 6موٹر سائیکل اڑا لئے گئے۔ تھانہ نون ایریا سے موٹر سائیکل اسلحہ کی نوک پر چھین لیا گیا۔ تھانہ کوہسار‘ نون اور تھانہ کھنہ ایریاز میں 3موبائل فونز اور نقدی چھین لی گئی۔ تھانہ مارگلہ‘ شالیمار‘ شمس کالونی اور تھانہ کھنہ ایریاز میں 4گھروں سےکل جمع پونجی لٹ گئی۔ تھانہ رمنا‘ تھانہ کوہسار‘ تھانہ شمس کالونی اور تھانہ انڈسٹریل ایریا کے علاقوں سے 5موٹر سائیکل چوری کر لئے گئے۔ راولپنڈی میں شہری ایک گاڑی اور 19موٹر سائیکلوں‘ طلائی زیورات‘ موبائل فونز‘ نقدی اور دیگر اشیاء سے محروم ہو گئے۔ تھانہ رتہ امرال ڈھوک منگٹال میں4 مسلح افراد ایمن علی سے موبائل‘ تھانہ وارث خان راول روڈ پر 3مسلح موٹر سائیکل سوار بلال اور دوست سے موبائل اور 5ہزار‘ تھانہ بنی انگت پورہ میں 2مسلح ملزمان محمد فیضان سے موبائل‘ تھانہ نیو ٹاؤن ایف بلاک میں ملیہ پارک کے قریب 3مسلح موٹرسائیکل سوار حسن مسعود سے موبائل اور 4ہزار‘ تھانہ صادق آباد ڈھوک کالا خان میں 2مسلح ملزمان عامر عنایت سے موبائل اور 4ہزار‘ 3مسلح ملزمان عمیر سے موبائل‘ ایران روڈ پر 2مسلح ملزمان جنید سے موٹر سائیکل‘ موبائل اور 2ہزار‘ تھانہ نصیر آباد سوزوکی سٹینڈ کے قریب ادریس رشید سے گن پوائنٹ پر موبائل اور 8ہزار‘ تھانہ ریس کورس مصریال روڈ پر لیپرڈ کمپنی کے سیلزمین سید مجتبی ٰحسین اور ڈرائیور اظہر ایوب سے 2مسلح موٹر سائیکل سوار ایک لاکھ‘ تھانہ صدر بیرونی اڈیالہ روڈ پر 2موٹر سائیکل سوار اسلحہ کی نوک پر نیئر عباس علی خان اور گھر والوں سے 2موبائل اور 65ہزار‘ 2گاڑیوں کے کارڈز اور ایک ہیوی بائیک کے اصل رجسڑیشن کارڈ چھن گئے۔ لیاقت باغ کانسٹیبل ذیشان کے 2موبائل اور 10ہزار چوری‘ یونس مسجد کے قریب ایاز الدین کا ڈنکی پمپ اور 600فٹ کیبل مالیتی 5لاکھ‘ بینک روڈ پر محمد حسین کا موبائل اور 10ہزار‘ پشاور روڈ لین 5میں حسن اختر کے گھر کے تالے توڑ کر رقم 34لاکھ 57ہزار‘ پسٹل 30بور اور ڈی وی آر‘ ڈھوک سیداں میں احمد نور خان کے گھر کے تالے توڑ کر ڈیڑھ لاکھ اور سونا مالیتی 15لاکھ‘ ملت آباد میں محمد عبید حسن کے سپیکر مالیتی 4لاکھ‘ گلریز میں بخت محمد کے 2موبائل‘ اڈیالہ روڈ پر مبین ظفر کا قیمتی سامان‘ صنوبر سٹی لین 7اڈیالہ روڈ پر محمد اویس کے 10توڑے سیمنٹ اور دیگر سامان‘ بحریہ ٹاؤن فیز 8میں ایمان اخلاق کے گھر سے 3کمبل‘4 ٹوٹیاں‘ شاور‘ گھڑی‘ 2پرفیوم چوری ہوگئے۔
اسلام آباد سے مزید