فرمان الہی
نماز کے اوقات
کراچی (اسٹاف رپورٹر) پریذیڈنٹ ٹرافی گریڈ ون کرکٹ کے چوتھے راؤنڈ میں شامل حسین نے ڈبل سنچری جبکہ محمد شہزاد، عمرامین اور وقار احمد نے سنچریاں اسکور کیں۔ اسٹیٹ بینک اسٹیڈیم میں ایس این جی پی ایل پہلی اننگز میں334 رنز بناکر آؤٹ ہوگئی۔ کے آر ایل نے کھیل ختم ہونے پر 7 وکٹوں پر 266 رنز بنائے تھے۔ وقار احمد نے 17 چوکوں کی مدد سے122 رنز اسکور کیے۔ کے سی سی اے اسٹیڈیم میں اسٹیٹ بینک نے واپڈا کے 250 رنز کے جواب میں اپنی پہلی اننگز میں 7 وکٹوں پر 304 رنز بنائے تھے۔ عمرامین نے 15 چوکوں اور2 چھکوں کی مدد سے 136 رنز اسکور کیے۔ این بی پی اسپورٹس کمپلیکس میں سرکاری ٹی وی نے ایشال ایسوسی ایٹس کے 164 رنز کے جواب میں پہلی اننگز 9 وکٹوں پر 531 رنز بناکر ڈکلیئر کی اور 367 رنز کی برتری حاصل کرلی۔ 20 سالہ شامل حسین نے 4 چھکوں اور 29 چوکوں کی مدد سے 229 رنز اسکور کیے ۔ یہ ان کی پہلی فرسٹ کلاس سنچری ہے۔ محمد شہزاد نے 12چوکوں اور 4 چھکوں کی مدد سے104 رنز کی اننگز کھیلی۔ ایشال ایسوسی ایٹس نے اپنی دوسری اننگز میں 2 وکٹوں پر 46 رنز بنائے ہیں۔
