فرمان الہی
نماز کے اوقات
کراچی (نیوز ڈیسک) امریکی صدر دونلڈ ٹرمپ نے کہا ہے کہ وہ برطانوی شہزادہ ہیری کو ملک بدر نہیں کریں گے۔
ڈونلڈ ٹرمپ نے ایک بیان میں میگھن مارکن کی طرف اشارہ کرتے ہوئے کہا کہ شہزادہ ہیری کے اپنی بیوی کے ساتھ کافی مسائل ہیں، وہ بہت برا سلوک کرتی ہیں۔
امریکی صدر کا یہ بیان اس وقت سامنے آیا جب برطانوی شہزادہ ہیری اور ان کی اہلیہ میگھن مارکل نے امریکا میں مستقل سکونت اختیار کی ہے اور ڈونلڈ ٹرمپ کے حامیوں نے ان کی شہریت منسوخ کرنے کا مطالبہ کیا ہے۔
واضح رہے کہ شہزادہ ہیری کو اپنے امیگریشن کی درخواست پر واشنگٹن ڈی سی میں ایک مقدمہ کا سامنا ہے۔
قدامت پسند تھنک ٹینک ہیریٹیج فاؤنڈیشن نے الزام لگایا ہے کہ شہزادہ ہیری نے منشیات کے غیر قانونی استعمال کو چھپایا تھا جس کی وجہ سے انہیں امریکی ویزا نہیں دیا جانا چاہیے تھا۔
یاد رہے کہ شہزادہ ہیری نے اپنی سوانح حیات’اسپیئر‘ میں تفصیل سے بتایا تھا کہ کس طرح اُنہوں نے نوعمری میں کئی بار کوکین لی تھی اس کے علاوہ بھنگ اور مشروم بھی استعمال کی تھی۔
