• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ادویہ سازی میں پاک جرمن تعاون کے مزید امکانات ہیں،فلورین والٹر

میرا شہر
کوئٹہ
13 فروری ، 2025
کوئٹہ(اسٹاف رپورٹر)جرمن چیمبرز آف کامرس ایبراڈ کے پاکستان کے نمائندے فلورین والٹر نے مارٹن ڈاؤ گروپ کے کوئٹہ میں واقع جدید ترین پلانٹ کا دورہ کیا ان کے ہمراہ جرمنی کے اعزازی قونصل میر مراد بلوچ بھی موجود تھے۔ اس دورے کا مقصد دونوں فریقین کے درمیان ممکنہ شراکت داری اور باہمی ترقی کے مواقع تلاش کرنا تھا۔ جہاں انہیں ادارے کی جدت ،معیار اور عمدگی کے عزم سے آگاہ کیا گیا۔ انہیں مارٹن ڈاؤ کے کوئٹہ اور بلوچستان میں جاری سماجی بہبود کے منصوبوں کے بارے میں بھی بریفنگ دی گئی۔ والٹر نے مارٹن ڈاؤ کے جدید ترین پلانٹ کو سراہااور کہا کہ فارماسیوٹیکل شعبے میں پاک جرمن تعاون کے مزید امکانات ہیں صوبے کی ترقی میں مارٹن ڈاؤ گروپ کے کردار کی تعریف کی اور کہا کہ مارٹن ڈاؤ کی پاکستان کے شعبہ صحت کی ترقی کے لیے کی جانے والی کوششوں کو سراہتا ہوں۔ یہ گروپ نہ صرف پاکستان بلکہ سرحد پار بھی بہترین طبی سہولیات فراہم کر رہا ہےجس سے یہ ملک کا ایک اہم ہیلتھ کیئر گروپ بن چکا ہےقبل ازیںمارٹن ڈاؤ کے چیف آپریٹنگ آفیسر ٹیکنیکل اینڈ گروپ سپلائی چین مبشر حسین نے کہا کہ یہ دورہ مارٹن ڈاؤ کی بین الاقوامی شراکت داری کو فروغ دینے اور جدت و تعاون کے ذریعے ترقی کے عزم کا مظہر ہے۔ انہوں نے مزید کہاپاکستان اور جرمنی کے درمیان طویل عرصے سے تعلقات قائم ہیں جو مشترکہ اقدارباہمی احترام اور تعاون کی بنیاد پر استوار ہیں۔
کوئٹہ سے مزید