فرمان الہی
نماز کے اوقات
کراچی (اسٹاف رپورٹر) ضرورت سے زیادہ جذبات پاکستانی پلیئرز کو بھاری پڑگئے۔سہ فریقی کرکٹ ٹورنامنٹ میں ڈسپلن کی خلاف ورزی پر آئی سی سی میچ ریفری ڈیوڈ بون نے شاہین شاہ آفریدی، کامران غلام اور سعود شکیل پر جرمانہ عائد کر دیا۔ آئی سی سی کے مطابق تینوں پاکستانی کھلاڑیوں نے اپنے غلطیوں کا اعتراف کیا جس کی وجہ سے انہیں ایک ایک ڈی میرٹ پوائنٹ بھی دیا گیا۔ شاہین آفریدی پر 25فیصد جبکہ سعود شکیل اور متبادل کھلاڑی کامران غلام میچ فیس کا 10 ،10فیصد جرمانہ عائد کیا گیا ہے۔ بدھ کی شب شاہین شاہ آفریدی نے کراچی میں میچ کے دوران جنوبی افریقی بیٹرمیتھیو بریزکے کو سنگل لینے سے روک دیا جس کے نتیجے میں ان کا آپس میں ٹکراؤ ہوا اور پھر تلخ کلامی ہوئی۔ آئی سی سی کے مطابق شاہین شاہ آفریدی جان بوجھ کر مخالف میتھیو بریزکے کے راستے میں آئے اور غیر مناسب انداز سے باڈی کنٹیکٹ کیا ۔ سعود شکیل اور متبادل فیلڈر کامران غلام نے جنوبی افریقا کے کپتان ٹیمبا باووما کے رن آؤٹ ہونے پر ان کے قریب جاکر غیر مناسب انداز میں جشن منایا۔
