فرمان الہی
نماز کے اوقات
اسلام آباد(این این آئی، جنگ نیوز)سپریم کورٹ میں آئینی بینچ میں مزید پانچ ججوں کے اضافے کی منظوری دیدی گئی، جسٹس ہاشم کاکڑ، جسٹس عامر فاروق، جسٹس شکیل احمد، جسٹس اشتیاق ابراہیم ،جسٹس صلاح الدین کو آئینی بینچ میں شامل کیا گیا، جسٹس منیب اختر اور جسٹس منصور علی شاہ اور دو پی ٹی آئی ارکان نے مخالفت کی، پانچ نام شامل کرنے کی رائے جسٹس امین الدین نے دی،چار ممبران نے رائے دی کہ سپریم کورٹ کے تمام ججزکوآئینی بینچ میں شامل کیا جائے ۔ چیف جسٹس یحییٰ آفریدی کی زیر صدارت جوڈیشل کمیشن کا اجلاس ہوا جس میں آئینی بینچ میں ججوں کے اضافے پر غور کیا گیا۔جوڈیشل کمیشن نے سپریم کورٹ میں آئینی بینچ میں مزید پانچ ججوں کے اضافے کی منظوری دے دی۔جسٹس ہاشم کاکڑ، جسٹس عامر فاروق، جسٹس شکیل احمد، جسٹس اشتیاق ابراہیم خان اور جسٹس صلاح الدین پنہور کو آئینی بینچ میں شامل کیا گیا۔
