• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اپوزیشن اتحاد میں مزید جماعتوں کو شامل کرنے پر اتفاق

آج کا اخبار
اہم خبریں
03 مارچ ، 2025
اسلام آباد(آن لائن)اپوزیشن اتحاد میں نئی جماعتوں کو شامل کرنے کے لیے ڈرافٹ مانگ لیے گئے ہیں اور محمود خان اچکزئی نے کہا ہے کہ ایسا ڈرافٹ تیار کریں جس پر تمام اپوزیشن مشترکہ جدوجہد کرے۔ ذرائع کے مطابق اپوزیشن اتحاد میں مزید جماعتوں کو شامل کرنے پر اتفاق کیا گیا ہے اور سندھ کی جماعتوں کے رہنماؤں کے ساتھ اس ہفتے مزید مشاورت ہوگی۔ذرائع کے مطابق رمضان کے پہلے عشرے میں اپوزیشن کے عملی طور پر آگے بڑھنے کا فیصلہ کیا گیا ہے ۔اپوزیشن اتحاد کی توسیع اور مشترکہ لائحہ عمل رمضان میں ترتیب دیا جائے گا۔ ذرائع کے مطابق پارلیمان کے اندر اور باہر آئینی خلاف ورزیوں پر ردعمل دینے پر مکمل اتفاق کیا گیا ہے اورجماعتوں کے ڈرافٹ کو قومی ایجنڈے کے طور آگے بڑھایا جائےگا۔
اہم خبریں سے مزید