• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وفاقی کابینہ میں توسیع کے بعد اب مزید اہم فیصلوں کی تیاری

آج کا اخبار
اہم خبریں
03 مارچ ، 2025
اسلام آباد (رانا غلام قادر) وفاقی کابینہ میں توسیع کئے جانے کے بعد اب مزید اہم فیصلوں کی تیاری ہے۔وزیراعظم خود کئی وزارتیں چھوڑ دینگے حلف اٹھانے والے نئے وزرا اور وزرائے مملکت کو ابھی تک وزارتیں نہیں دی گئیں۔ ایک سے زیادہ قلمدانوں والے وزراء سے اضافی قلمدان واپس لئے جانے کا امکان ہے۔ اس وقت 18وفاقی وزراء کے پاس قلمدان ہیں، حکومتی ذرائع کے مطابق موجودہ وزراء کے قلم دانوں میں ردوبدل بھی کیا جاسکتا ہے۔ ذرائع کے مطابق وفاقی وزراء سے محروم وزاتیں بھی نئے وزراء کو دینے کی تجویز ہے۔ قلمدانوں سے متعلق فیصلہ وزیراعظم خود کریں گے۔ اس کے بعد کابینہ ڈویژن نوٹیفکیشن کرے گا۔ کابینہ میں توسیع کے بعد نئے وزراء کے قلمدانوں کا ابھی تک اعلان نہیں ہوا۔ تمام 39 وفاقی وزارتوں اور ڈویژنز میں سے اس وقت 18وفاقی وزراء کے پاس قلمدان ہیں۔ کئی اہم وزارتوں اور ڈویژنز کو اضافی قلم دانوں کے ذریعے چلایا جاریا ہے۔ وزیراعظم نے کئی وزارتوں اور ڈویژنز کا قلمدان اپنے پاس رکھا ہوا ہے جن میں سے بیشتر وہ اب چھوڑ دیں گے۔ صحت کی وزارت ڈاکٹر طارق فضل چوہدری کو ملنے کا امکان ہے۔
اہم خبریں سے مزید