• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

NIRC کا بڑا اقدام، کیسز کی تیز سماعت کیلئے جدید ڈیجیٹل سسٹم متعارف

آج کا اخبار
اہم خبریں
03 مارچ ، 2025
اسلام آباد( نیوز رپورٹر ) نیشنل انڈسٹریل ریلیشن کمیشن (این آئی آر سی) کے چیئرمین جسٹس (ر) شوکت عزیز صدیقی نے درخواستوں کی سماعت کو تیز اور مؤثر بنانے کے لیے ویڈیو لنک کے ذریعے فل بنچ سماعت کا آغاز کر دیا ہے۔3ماہ میں 80 فیصد کیسز نمٹا دیئے ، چیئرمین جسٹس (ر) شوکت عزیز صدیقی نے ویڈیو لنک پر فل بنچ سماعت کا آغاز کر دیا ابتدائی مرحلے میں اسلام آباد، لاہور اور کراچی میں یہ سسٹم متعارف کرایا گیا ہے، جبکہ دوسرے مرحلے میں کوئٹہ، ملتان، سکھر اور پشاور تک اس کا دائرہ بڑھایا جائے گا۔ چیئرمین این آئی آر سی نے اپنے چیمبر میں صحافیوں سے گفتگو کرتے ہوئے بتایا کہ ماضی میں وہ اپنے اسٹاف کے ساتھ مختلف شہروں میں جا کر ایک ہفتے قیام کے دوران مقدمات کی سماعت کرتے تھے، جس میں درخواست گزاروں اور وکلاء کو مشکلات کا سامنا رہتا تھا، جبکہ ٹی اے/ڈی اے کی مد میں اضافی اخراجات بھی آتے تھے۔ تاہم، ویڈیو لنک کے ذریعے سماعت کے فیصلے سے انصاف کی فوری فراہمی ممکن ہو سکے گی اور درخواست گزاروں کے لیے سہولت پیدا ہوگی۔
اہم خبریں سے مزید