• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم سے وفاقی وزراء اویس لغاری، مصدق ملک، امیر مقام اور دیگر کی الگ الگ ملاقاتیں

آج کا اخبار
اہم خبریں
06 مارچ ، 2025
اسلام آباد(نمائندہ جنگ)وزیراعظم شہباز شریف سے گزشتہ روز وفاقی وزیر توانائی سردار اویس احمد لغاری اور وفاقی وزیر برائے پیٹرولیم مصدق ملک نےالگ الگ ملاقات کی۔ ملاقات میں متعلقہ وزارتوں کے امور پر گفتگو کی گئی ۔ملک کی مجموعی و سیاسی صورتحال پر بھی تبادلہ خیال کیا گیا۔ وزیراعظم سےوفاقی وزیر و صدر پاکستان مسلم لیگ ن خیبرپختونخوا انجینئرامیرمقام نے بھی ملاقات کی ،ملاقات میں ملکی مجموعی بالخصوص خیبرپختونخوا کے حوالے سے تفصیلی تبادلہ خیال کیا گیا۔وفاقی وزیر نے وزیراعظم کی ایک سالہ بہترین کارکردگی پرمبارکباد دی اور انہیں خیبرپختونخوا کے دورے کی دعوت دی،وزیراعظم نے دعوت قبول کی۔ وزیر اعظم نے کہا کہ عید کے بعد انشا ء اللہ خیبرپختونخونخوا آؤنگا۔انہوں نے مشکل وقت میں پارٹی اور قیادت کا بھرپور ساتھ دینے، ثابت قدم رہنے اور خیبرپختونخوا میں 2013 سے لیکر آج تک پی ٹی آئی کے بدترین ادوار میں ڈٹ کر کھڑے رہنے پر انجینئر امیر مقام کی وفاداری، جرات اور خدمات کو سراہا۔
اہم خبریں سے مزید