• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

باربار تبدیلیوں سے گریز، کھلاڑیوں اور مینجمنٹ کو اعتماد دیں، انضمام

آج کا اخبار
اسپورٹس
17 مارچ ، 2025
کراچی (اسٹاف رپورٹر) سابق کپتان انضمام الحق کا کہنا ہے کہ پاکستان ٹیم کچھ مہینوں سے اچھی کرکٹ نہیں کھیل رہی ۔ بہت زیادہ تبدیلیوں کی بجائے بیٹھ کر سوچیں کہاں غلطی ہو رہی ۔ ہم مشکل سے نکل سکتے ہیں ۔ اگر اسی طرح تبدیلیاں ہوں گی تو کھلاڑیوں کو اعتماد نہیں ملے گا ۔ اتوار کو لاہور میں میڈیا سے گفتگو میں انہوں نے کہا کہ مینجمنٹ اور کھلاڑیوں پر اعتماد کریں اور غلطیوں کا اندازہ لگائیں۔ بار بار کوچز اور کھلاڑی تبدیل کرنے سے مسئلہ حل نہیں ہوگا۔ انہوں نے مزید کہا کہ نوے کی دہائی کے پلیئرز کو نکال دیا جائے تو پاکستان کی کرکٹ ہلکی رہ جائے گی۔ پاکستان کی کامیابیوں میں ان کھلاڑیوں کا بہت حصہ ہے ۔ درست سمت میں کام نہیں کریں گے تو ہم نیچے سے نیچے جائیں گے ۔ دو سال سے ہم نیچے سے نیچے جا رہے ہیں۔بابراعظم بڑا پلیئر ہے بیڈ پیچ آتا ہے۔
اسپورٹس سے مزید