فرمان الہی
نماز کے اوقات
کراچی( اسٹاف رپورٹر ) ڈی جی رینجرز (سندھ) میجر جنرل محمد شمریز کی زیر صدارت رینجرز ہیڈ کوارٹرز میں سیکیورٹی کانفرنس کا انعقا د کیا گیا جس میں شہر کے امن و امان کی مجموعی صورت حال کا جا ئزہ لیا گیا۔ کانفرنس میں آئی جی سندھ، کمشنر کراچی، ایڈیشنل آئی جیز، (کراچی، اسپیشل برانچ، آپریشن برانچ)،جوائنٹ ڈی جی آئی بی،ڈ ی آئی جیز(اسپیشل برانچ، ایسٹ، ساؤتھ، ویسٹ، سی آئی اے اور ٹریفک) پولیس، رینجرز اور حساس اداروں کے اعلیٰ افسران نے شرکت کی۔اجلاس کے دوران یوم علی، رمضان کا آخری عشرہ، چاند رات اور۔ عید الفطر کی مناسبت سے خصوصی سیکیورٹی لائحہ عمل کا تفصیلی جا ئزہ لیا گیا۔اجلاس میں کراچی میں موجودہ امن و امان کی صورتحال اور قانون نافذ کرنے والے اداروں کی جانب سے عادی جرائم پیشہ افراد کے خلاف مشترکہ آپریشن تیز کرنے اور شہر کے داخلی و خارجی راستوں پر چیکنگ کے عمل کو مزید سخت بنانے کی ہدایات جاری کی گئیں۔ اجلاس میں اس بات پر زور دیا گیا کہ دیئے گئے احکامات کی روشنی میں مروجہ قوانین اور ضابطہ اخلاق کی مکمل پاسداری کو ہر ممکن طور پر یقینی بنایا جائے گا۔قانون نافذ کرنے والے ادارے کے امن و امان کی صورتحال کو یقینی بنانے، کسی بھی قسم کی منافرت، جبری فطرہ، زکوۃ اور شدت پسندی پھیلانے والے عناصر پر کڑی نظررکھنے کے حوالے سے حکمت عملی کا بھی ازسرنوجائزہ لیا۔
