• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بجلی کے ٹیرف میں کمی سے صنعتوں کیلئے مجموعی پیداواری لاگت کم ہوگی، افتخار ملک

میرا شہر
اسلام آباد
05 اپریل ، 2025
اسلام آباد(جنگ نیوز)سارک چیمبر آف کامرس اینڈ انڈسٹری کے سابق صدر افتخار علی ملک نے بجلی کے ٹیرف میں کمی کے فیصلے کا خیر مقدم کرتے ہوئے کہا ہے کہ اس سے صنعتوں کے لیے مجموعی پیداواری لاگت کم ہو گی اور پاکستانی مصنوعات عالمی مارکیٹوں میں زیادہ مسابقتی بن جائیں گی۔ جمعرات کو اپنے ایک بیان میں انہوں نے کہا کہ مہنگی بجلی طویل عرصہ سے صنعتکاروں کے لیے ایک بہت بڑا بوجھ تھی اور بین الاقوامی سطح پر مقابلہ کرنے کی صلاحیت محدود ہو چکی تھی۔ ٹیرف میں کمی کے بعد صنعتی پیداوار میں اضافہ ہو گا، سرمایہ کاری راغب ہو گی اور روزگار کے مواقع پیدا ہوں گے جس سے اقتصادی ترقی کو فروغ ملے گا۔ انہوں نے کہا کہ وزیراعظم شہباز شریف کا بجلی کے ٹیرف میں کمی کا فیصلہ صنعتی صارفین اور عوام دونوں کے لیے ایک بڑا ریلیف ہے۔
اسلام آباد سے مزید